帕維亞意大利餐廳

营业中

休息中

喺九龍城打鼓嶺道近賈炳達道附近有一間西餐廳門面唔算好搶眼，但裏面嘅氣氛同埋食物質素卻係有超水準嘅感覺，呢間餐廳嘅名叫做帕維亞，主要係做水槍同埋意大利食品為主，位置唔算好多，所以如果有興趣朋友建議預先定位，今次我係周中嘅晚上嚟到，但係都差唔多坐滿👍🏻呢度都會有晚餐供應，可以有唔同嘅頭盤，主菜選擇，咁今晚，由於唔係太肚餓，所以只係簡單就叫咗個意粉同埋飲咗杯飲品。咁我就點左個番茄海鮮闊條麵，同埋要咗杯熱朱古力🧡個闊條麵嘅海鮮就有一隻好大嘅青口，魷魚，魚柳同埋蝦，材料都算幾多同幾新鮮，闊條麵嘅份量唔算好多，一個人食剛剛好，而汁方面就用咗新鮮蕃茄，茄膏，蒜蓉同埋香草等炮製，香得嚟酸酸地又開胃又好食👍🏻食完意粉就叫咗杯餐飲熱朱古力，雖然唔算好香濃，但係都有朱古力嘅香味，本身唔算太甜，但返而覺得仲好，唔會飲完個口留有一陣甜味😋總括嚟講呢間餐廳嘅食物水準相當唔錯，另外亦都見到有客人點左牛扒，見佢哋都覺得幾好食，有機會下次要來試吓。