憶食尚臘味煲仔飯

营业中

休息中

唔經朋友介紹都唔知原來文英樓附近有間咁豪華嘅餐廳！呢到個裝修好高級，個feel都好modern，地方又乾淨，同外面街景好大分別，不過絕對推介大家試下。我地今日叫左一個港式臘味煲仔飯同個椒鹽一口骨，最後加多個薑汁芥蘭。呢到好貼心咁會問你食唔食芫荽蔥，話會嘅話，佢就比一大碗你！超鐘意啊！個椒鹽一口骨做得好出色，椒鹽外皮鬆脆，五香粉、鹽、蒜蓉同辣椒嘅調味配搭好平均，炒得好乾身，冇油淋淋。薑汁芥蘭好重薑汁味，每一條都清脆爽口。另外好細心咁幫我地切開每條，等唔會太粗。不過最好食都係個煲仔飯！飯粒乾身，粒粒分明，又有飯焦！