牛角日本燒肉專門店 (皇室堡)

营业中

休息中

星期四晚去食，由6點拎籌等到8先有得入去，建議想食既朋友一早拎左籌先，想係附近行下街一路行一路等。入去之前會問你有無會員卡，有既會有九折。入座後會有部類似ipad既機比你點菜同埋叫人服務(例如加水，換燒烤網，埋單等等)。我地兩個人就點左兩份魚，一份牛角飯，一份石鍋拉麵，一份一口牛，一份牛油金菇，一份牛油帶子，兩份辣雞。個人認為個辣雞真係幾好味，個辣汁唔會太辣但好有風味。石鍋拉麵雖然無配料(會隨芝麻上),但好大份同幾好味。一口牛可以我燒得唔好，無咩特別，下次會試其他牛。其他野都好食但唔係話咩特別野。最後埋單每位2百蚊，好豐富好飽，算抵食啦。