雍穆公主•花膠雞湯鍋
金湯湯底好濃郁，花膠帶有淡淡香氣，入口滑溜，雞件滾兩三分鐘就食得，飲埋湯好滋補。
脆炸芋頭魚
即叫即炸，魚嘅造型好得意，外皮酥脆，內裡有軟綿綿嘅芋頭，就咁食，口感一流。
鴨血
滑順口感和湯底好夾，滾耐啲更加入味。
脆鯇腩片
油脂味濃，個人認為厚切富口感，食得更過癮。
爆漿芝士腸
咬下去有奶香，食到芝士香。
艾莎公主牛肉寶盒
多款牛肉一set，上枱時有啲乾冰配搭，新鮮又華麗，Juicy嘅牛小排，彈性十足嘅牛展，牛尾香濃嘅牛柳粒都有，好滿足！
蟹黃餃
又到咗食蟹嘅季節，餃子皮薄，大大粒，餡料很鮮香，四粒嘅份量也很滿足。
配搭埋自家製嘅足料竹蔗茅根，清涼又解膩。
