新羅寶韓國餐廳

营业中

休息中

咁岩見呢間韓國餐廳有位就入左去食，睇完餐牌發現價錢都幾貴，但搵食大過天，最後冇理價錢照樣食。前菜有5款，Kimchi 夠酸夠辣，出色！唔知係咪可以添食因為我地冇問到。韓式飯卷好足料但唔知點解冇乜味，而且仲好貴。海鮮煱湯底好咸，海鮮料少，好貴，但蟹肉蝦肉鮮甜。香辣蔥絲豬腩肉太多辣醬，搞到似食醬多過食豬腩肉，但豬腩肉係好味既。最後埋單3個人$800落樓，味道普通，上菜極慢，價錢昂貴，如無意外應該都唔會再食呢間。