影片
更多
2025-05-07
103 浏览
今日係平日竟然同老婆👯♀️一齊放假，我哋去咗元朗嘅‘ Chef‘s stage kitchen’食晚餐，叫咗個BEEF STEAK DINNER MENU, 我用咗唔同嘅角度去分析一下今次嘅餐飲體驗。精選空運雜菜沙律有洋蔥，青椒，青瓜，蕃茄，沙律菜，芝士。所有食材都非常之新鮮，加上沙律汁的味道很溫和，唔會好似喺一般餐廳有一種好酸嘅感覺，更加突出佢食材嘅鮮味，相當開胃同埋Refreshing。餐包有兩款，一款係手指形狀相當脆口，另一款像印度薄餅，配上一個酸酸maymay嘅醬，醒胃呀！建議唔好一次過食晒所有麵包，因為當食到太多肉嘅時候可以食啲麵包中和一下。我哋仲加咗$56升級酥皮法式龍蝦濃湯，龍蝦味極濃稠，最後成碗湯飲晒。頭盤小食: 法式生牛肉他他伴黑魚子鵪鶉蛋及法式多士鵪鶉蛋上面加上少量金箔，令成個菜式突顯高貴，而牛肉他他的調味亦十分之好不會有生牛肉的腥味，比起之前試過喺港島區食嘅牛肉他他性價比更高更好味。晚餐升級優惠：法式煎鵝肝 鵝肝煎到極之香，亦都非常之厚身一點也不吝嗇。食落口一啲臊味也沒有，全都是鵝肉的香氣。鮮藍蟹肉及露筍燴意大利飯配鮮蝦頭膏蟹肉味濃到未食落口已經分香撲鼻，加上蝦頭
精選空運雜菜沙律有洋蔥，青椒，青瓜，蕃茄，沙律菜，芝士。所有食材都非常之新鮮，加上沙律汁的味道很溫和，唔會好似喺一般餐廳有一種好酸嘅感覺，更加突出佢食材嘅鮮味，相當開胃同埋Refreshing。
餐包有兩款，一款係手指形狀相當脆口，另一款像印度薄餅，配上一個酸酸maymay嘅醬，醒胃呀！建議唔好一次過食晒所有麵包，因為當食到太多肉嘅時候可以食啲麵包中和一下。
我哋仲加咗$56升級酥皮法式龍蝦濃湯，龍蝦味極濃稠，最後成碗湯飲晒。
頭盤小食: 法式生牛肉他他伴黑魚子鵪鶉蛋及法式多士
鵪鶉蛋上面加上少量金箔，令成個菜式突顯高貴，而牛肉他他的調味亦十分之好不會有生牛肉的腥味，比起之前試過喺港島區食嘅牛肉他他性價比更高更好味。
晚餐升級優惠：法式煎鵝肝
鵝肝煎到極之香，亦都非常之厚身一點也不吝嗇。食落口一啲臊味也沒有，全都是鵝肉的香氣。
鮮藍蟹肉及露筍燴意大利飯配鮮蝦頭膏
蟹肉味濃到未食落口已經分香撲鼻，加上蝦頭膏令到整件事更加濃郁。意大利飯煮得軟硬適中，配上蟹肉是一個相當好的配搭。
炭燒穀飼澳洲肉眼牛扒（8安士）配香草牛油焗波士頓龍蝦尾（1隻）
嚟到今晚嘅重頭戲，牛扒order了七成熟，煎得相當香口，牛味濃郁，另外可以沾上芥末醬，別有一番風味。而龍蝦起肉起得相當乾淨，整個賣相相當漂亮，龍蝦肉相當彈牙， 10分新鮮，是少有好味的龍蝦， 10分推介。另外亦都想讚佢嘅薯蓉整得好棉密，一點也不馬虎。
餐飲方面，我哋叫咗TROPICAL FOREST菠蘿梳打特飲，啲菠蘿勁新鮮。同埋PRINCESS HEART士多啤梨橙雪碧，估唔到士多啤梨醬配橙都幾夾。
最後叫咗個TIRAMISU意大利芝士餅作結。個甜品睇得又食得，有一個好似分子料理咁嘅白色球體，打破之後就會變成白煙，然後散發出雲呢拿的香味，非常打卡able。個Tiramisu好Creamy濕潤得來又唔會好似浸到發水麵包咁樣樣嘅質地，食落口絕對唔會令你失望。其實食個甜品之前我哋已經相當飽，但係因為呢個甜品實在太好味，所以最後都係成個食晒。
上餐速度：速度合適，會詢問我哋想一次過上晒所有菜式定係逐碟逐碟上菜
店員態度：親切有禮貌有笑容，仲會提出建議
店內環境：外國大自然風格，以木材為主，有幅紅磚牆，相當有特色
交通地理：由元朗千色行過去5分鐘
人均消費：～$600hkd
總結：下一次會再幫襯。
张贴
