影片
更多
2021-06-13
532 浏览
⭐評分: 9/10—————————————————-好耐無食過魚柳包😭😭😭😭 痴線呢個包真係超級正！由包體到醬汁配搭，連配菜薯條都好好食，老細好nice問我哋有乜可以改善，我哋真係覺得已經好正🥲🥲真係好味是良知🙏🏻🙏🏻——————————————————▪️ 脆嫩魚堡 $98▪️ 多汁牛堡 $98 ▪️ 椰菜沙律 $18 | 桂花烏龍 $20 痴線位係佢哋豆潤咁細間舖，但detail嘢做足，幅牆有掛勾畀你掛袋，兩個老細著住公司Logo Tee，個包嘅包裝紙仲印住公司logo，碗碟有襯過，真係感受到佢哋對間舖嘅熱誠。魚柳係無炸過，就咁serve都得嗰種，攤涼咗少少都無腥味，好厚肉。👍🏻 個包係薯仔竹炭包，切面烘香，食到底都唔會好似平時啲包咁，被醬同水氣整腍哂，好抵讚！咬落鬆軟微甜，同檸檬混醬、芝士、煎到塊皮脆香嘅魚柳夾埋係一鹹一甜，勁夾！好多時burger都係夾塊生菜，襯色功能大於口感 ，仲要乜包都夾塊番茄😂 呢到係用椰菜沙律代替頹生菜，好新鮮爽口，仲要撈埋芒果係入面，成件事係，你估佢唔到，但又好撚好食，係唔heavy 嘅清新burger 🤯「薯條夠味，唔洗點茄汁都得喇！」我同個fd咁講，
⭐評分: 9/10
—————————————————-
好耐無食過魚柳包😭😭😭😭 痴線呢個包真係超級正！由包體到醬汁配搭，連配菜薯條都好好食，老細好nice問我哋有乜可以改善，我哋真係覺得已經好正🥲🥲真係好味是良知🙏🏻🙏🏻
——————————————————
▪️ 脆嫩魚堡 $98
▪️ 多汁牛堡 $98
▪️ 椰菜沙律 $18 | 桂花烏龍 $20
痴線位係佢哋豆潤咁細間舖，但detail嘢做足，幅牆有掛勾畀你掛袋，
兩個老細著住公司Logo Tee，個包嘅包裝紙仲印住公司logo，碗碟有襯過，真係感受到佢哋對間舖嘅熱誠。
魚柳係無炸過，就咁serve都得嗰種，攤涼咗少少都無腥味，好厚肉。👍🏻
個包係薯仔竹炭包，切面烘香，食到底都唔會好似平時啲包咁，被醬同水氣整腍哂，好抵讚！咬落鬆軟微甜，同檸檬混醬、芝士、煎到塊皮脆香嘅魚柳夾埋係一鹹一甜，勁夾！
好多時burger都係夾塊生菜，襯色功能大於口感 ，仲要乜包都夾塊番茄😂 呢到係用椰菜沙律代替頹生菜，好新鮮爽口，仲要撈埋芒果係入面，成件事係，你估佢唔到，但又好撚好食，係唔heavy 嘅清新burger 🤯
「薯條夠味，唔洗點茄汁都得喇！」我同個fd咁講，老細聽到即刻狗衝阻止，話支茄汁都好撚重要，嗱本身薯條已經有shake匀味粉，好香蒜味，仲好鬆脆，唔洗點都無問題，但呢隻茄汁真係幾特別，咁又燒到我🥲 老細可以考慮做埋茄汁sales😹
桂花烏龍個底好多花碎，飲落有微微清香，無糖好啱我，總之呢到所有嘢都好啱我胃口，一定會再嚟☺️
✨ HOHON EATERY ✨
📍西環皇后大道西419M號地舖
⏰ 1200-2200 星期一
张贴
