Tagline

本身自己都好鐘意食印度野，但今次有個食素嘅朋友帶我去呢間，睇到尖東維港景色，仲要格局高尚嘅印度餐廳，原來食印度嘢都可以咁高享受。🌟招牌蔬菜咖喱配炭烤麵包🌟呢度菜式打卡一流，呢款咖喱好特別，雜菜嘅香氣完全融入咖喱裏面，食到最後有少少回甘嘅香辣味，旁邊放滿切成一粒粒軟綿綿嘅麵包切粒，黑色的麵包粒好cool 😎好似火鍋咁樣點嚟食，仲有蕃茄、洋蔥粒、青瓜粒夾雜埋一齊食,好味又精美嘅菜式😋😋🌟48小時慢煮黑扁豆咖喱&印度烤餅🌟咖喱帶有香濃黑扁豆嘅味道, 食落仲有有少少碎豆蓉，我最鍾意配上原味嘅印度烤餅，帶出咖喱同埋黑豆嘅原味道,正👍👍🌟無花果沙律🌟清新又健康嘅沙律，中和返咖喱嘅味道，感覺好fresh。🌟Mango lassi & 無限添加嘅凍檸茶🌟食印度嘢必選嘅芒果乳酪飲品,味道夠正宗。濃郁嘅芒果香甜夾雜着乳酪嘅酸甜，融合了冰涼的口感。無限量添加嘅凍檸茶正🫶🫶