餐廳都幾大間，有兩層，裝修好新，晚餐都算多人。餐牌有好多菜式，除咗傳統嘅潮州菜之外，仲有啲比較新穎嘅菜式和小菜。
16
鵝肉三拼
有十幾款可以揀，我哋揀咗鵝片、墨魚片和紅腸。拼盤好大碟，鵝片肥美，肉質鬆軟。墨魚片爽口彈牙，紅腸真係好耐冇食過！仲有好多花生做伴碟。
潮發小炒皇
而家越嚟越少地方有小炒王食，有韭菜、蝦仁、芽菜、腰果、炸芋絲等等唔同嘅材料，食落去層次分明，鹹中帶點辣，好有風味！
蠔仔肉碎粥
有分一碗或一鍋，我哋叫咗一碗，但一碗嘅份量都好大碗，大概一個湯碗嘅份量。蠔仔鮮甜，加入肉碎，仲有芫荽嘅香味，好大粒嘅蠔仔好滿足呀！
沙茶醬芥蘭牛肉炒煎米粉底（安格斯牛肉）
餐牌上面原本係炒河粉，不過咁啱河粉賣晒，轉左尊米粉底，有驚喜喎！沙茶醬香濃，安格斯牛肉軟腍，芥蘭清爽，煎香咗嘅米粉底好酥脆，好有口感。
