八妹雞煲

营业中

休息中

今日同朋友特登入到嚟大埔食好西，朋友推介呢間八妹雞煲。我哋8:30入咗入面都算多人，入到去已經聞到陣陣麻辣花椒香味，個環境都算幾新潮比較有特色。我哋點左招牌嘅半隻麻辣雞煲要咗小辣，半隻雞好多件，兩個人食岩哂。辣度剛剛好 夠哂麻香，令人撲鼻嘅花椒，感覺好正。雞肉都好嫩，好入味 搭埋洋蔥同芫荽一流。食完雞煲之後就可以叫店員加湯轉打邊爐，我哋要咗蔬菜拼盤墨魚滑同豬頸肉，每樣配料都好新鮮墨魚滑夠晒彈牙，平時好少見到打邊爐會有豬頸肉嘅選擇呢度嘅豬頸肉半份都好多，用料上乘絕對唔係馬虎貨色。推介蜂巢豆腐同竹笙，兩樣朔晒個麻辣湯汁，一咬落去充滿麻辣香，刺激味蕾。另外佢個炸魚皮都好抵食大大兜重要好香脆無論浸湯或者就咁食都好好味。