楊記麻辣魚館

营业中

休息中

收工約左朋友去元朗食晚飯，我地大家都突然好想食辣野刺激下食欲，友人諗起之前有人同佢講過元朗元通楼嗰度有間食麻辣野好正好地道，於是我地一行四人决定去試下！行到呢間叫楊記麻辣魚館的門口，已經聞到陣陣麻辣香味，我地立即坐低望下個餐牌，樣樣都好吸引好想食水煮生魚片是楊記的生招牌……真是非常好味，魚片食落好滑好新鮮，麻麻辣辣咸咸地超惹味，送飯一流！、辣椒炒土豆絲亦都唔錯，咸咸辣辣好香薯仔味梅菜扣肉亦味道一流，梅菜甜甜地，扣肉食落入口即溶，肉質鮮嫩冇比，好味到食唔停口！韭菜炒木耳亦都好好味，韭菜新鮮嫩口，食落完全冇渣，木耳爽口，唔錯！