我叫咗個海鮮火鍋放題, 落單無耐大約5minutes 成枱都係海鮮！有大頭蝦、鮮甜嘅扇貝、爽口嘅魷魚,仲有啲我平時都唔敢叫嘅海膽！最正係有個胡椒豬肚雞鍋底,個湯底又濃又香,飲落去暖笠笠,真係好舒服。
每樣都分類講一講la ..
胡椒豬肚雞鍋
個湯底真係一絕！胡椒味香濃,豬肚又炆得夠腍,成個湯底都吸晒啲海鮮嘅鮮味,飲到停唔口。
海鮮蒸氣放題
呢個就主打la！自己揀海鮮,自己蒸,成個過程都充滿樂趣。啲海鮮蒸完之後,鮮味十足,完全食得出佢哋嘅新鮮。
安格斯牛肉好嫩滑,一放入口就溶晒喺口裏面,配埋個海鮮湯底係絕配。
大頭蝦：講到呢隻大頭蝦,我真係食到唔停la！啲肉又彈牙又爽口真滿足。
