茜廊餐廳 (樂富廣場A區)

营业中

休息中

星期六同媽媽去完shopping搵野食，路過呢間好似幾夠格調，又有聖誕氣氛，食好d先！呢間餐廳好細個在九龍灣德福已經見過，今日0係樂富廣場先發現它原來有分店，仲要連上水同天水圍都有。店內裝修好靚，好有節日氣氛，未食已經好開心。先來餐湯餐包暖一暖胃。隨意點了一沙律兩小食。賣相十分靚，心機十足。味道方面，不過不失。沙律十分大份量，四個人都夠食。雞翼口味偏酸。主菜比媽媽揀，選了牛扒。牛扒唔算高級西餐類型，但好好食，反而似懷舊扒房的懷舊牛扒。扒身好厚，肉質好鬆化，鐵板上風味十足。切開粉紅色，火候控制得唔錯，肉質保持到嫩滑。小食主菜雖然未算精彩，但整體合格。而真正的好戲果然在後頭，點了兩款甜品，款款精彩。心太軟唔係傳統圓形，而係心形，睇到都已經心花怒放。伴上士多啤梨、忌廉、果醬、雪糕，缺一不可。輕輕切開，軟滑的朱古力流心湧出，香氣四散。一口熱辣辣香濃朱古力，一口冰涼香滑雪糕，真正的冰火交融。另一款甜品同樣叫人驚艷。一客八件馬卡龍，不同口味顏色十分豐富。馬卡龍薄薄的表皮十分脆，內裡鬆化，十間軟滑，絕對唔比高級甜品店差。甜到滿瀉的馬卡龍配清新的雪葩，大廚十分有智慧。小小的西餐廳，價錢親民，估唔到甜品