丸作食茶 (禮頓道)

营业中

休息中

飲黑糖既日子，即係被女朋友拉去既日子，一定係一杯黑糖一杯唔係黑糖( 我飲)，呢間佢之前飲過話覺得OK，出銅鑼灣想食個「丹麥」炸脾，佢見係同一條街就拉左我去。飲品店內外及飲品選擇都幾shape，好易見到間店，飲品店黎講唔算好細，仲有個位放左部機係到，亦有個打卡影相位。黑糖珍珠芋泥牛奶 $33岩岩新出，唔係齋黑糖咁悶，加左啲芋泥做變化，都係4.3明治牛奶，配上芋泥多左一份甜味，會較平時飲既甜，但甜度係接受到果種，我本身唔好甜都覺得ok，而芋泥加上珍珠，咬口更有層次，不過相對上黑糖味唔太岀。青芽四季春 $14呢杯當然就係我飲架啦，見到做緊期間限家係Pokemon精靈球造型既三層珍珠，有創意Wor ！點左杯普通茶飲加精靈球珍珠(+$6)，真係成個精靈球既樣，由三層組成，分別係仙人掌、白玉同竹炭味。青芽四季春即係台灣綠茶，味道較清較淡，配上同樣清新啲既珍珠冇咁膩，珍珠咬口十分好，煙韌有彈口，唔會過硬過稔，不過就真係冇咩特別味，一杯好淡既綠茶。一間有好多特色珍珠既台灣過江龍台飲店，都幾花心思，可以試下。