影片
更多
2006-03-08
28 浏览
由日本人做老闆的餐廳，幾正宗，而且座落於美麗華商場咁多日本人工作既地方，自然有不少日本客人。我同朋友大約一點鐘到，已經好多人，差點爆滿，當然亦係以日本人居多。如果遲一步到，相信就要去第二間食。午餐有好多選擇，由最平$45既set lunch至過百蚊既定食都有，任君選擇。一位朋友要銀雪魚定食，另一位則要個是日午餐(係薯仔炆雞翼)而我就揀炸雞件定食。先評一評那個銀雪魚定食。其實我沒有試過，但我朋友就有好正面的評價。定食有主菜，一個麵鼓湯和蒸蛋。佢話個魚煎得好脆口，又有鮮味，魚肉好滑。仲有蒸蛋都係好滑，送飯一流。同埋個餐係好大份，男士都未必食得晒。以佢咁細食既女仔，只係食一半就投降。炸雞件定食有兩款，但其實只係有冇沙律醬既分別。有沙律醬要加$5，都有些少搵笨。咁但係炸雞件有沙律醬的確係好食好多，所以我都照豪俾佢，要有醬個款。個雞炸得唔錯，夠晒脆卻唔會話炸到乾晒身，起碼都有肉食。加埋$5既沙律醬食都幾好送飯。最後一位朋友要行貨既set lunch，係薯仔炆雞翼。這個餐就只係一般，雞翼冇厘味道，真係行左ｄ。不過都未至於話唔可以接受。套餐仲包一杯飲品，我們三個都要熱奶茶。估唔到杯奶茶咁好，茶味夠濃
我同朋友大約一點鐘到，已經好多人，差點爆滿，當然亦係以日本人居多。如果遲一步到，相信就要去第二間食。
午餐有好多選擇，由最平$45既set lunch至過百蚊既定食都有，任君選擇。一位朋友要銀雪魚定食，另一位則要個是日午餐(係薯仔炆雞翼)而我就揀炸雞件定食。
先評一評那個銀雪魚定食。其實我沒有試過，但我朋友就有好正面的評價。定食有主菜，一個麵鼓湯和蒸蛋。佢話個魚煎得好脆口，又有鮮味，魚肉好滑。仲有蒸蛋都係好滑，送飯一流。同埋個餐係好大份，男士都未必食得晒。以佢咁細食既女仔，只係食一半就投降。
炸雞件定食有兩款，但其實只係有冇沙律醬既分別。有沙律醬要加$5，都有些少搵笨。咁但係炸雞件有沙律醬的確係好食好多，所以我都照豪俾佢，要有醬個款。個雞炸得唔錯，夠晒脆卻唔會話炸到乾晒身，起碼都有肉食。加埋$5既沙律醬食都幾好送飯。
最後一位朋友要行貨既set lunch，係薯仔炆雞翼。這個餐就只係一般，雞翼冇厘味道，真係行左ｄ。不過都未至於話唔可以接受。
套餐仲包一杯飲品，我們三個都要熱奶茶。估唔到杯奶茶咁好，茶味夠濃又夠滑，幾有水準。
埋單唔使$200就食到正宗日本定食，做東既我都好滿意。
张贴