魚米 (泓景匯商場)

营业中

休息中

朋友病咗，無乜胃口，唯一要求係清啲。好啦！本來打算食好啲嘅，但最後只好頹食入到魚米，睇下餐牌，非常適合朋友因為都係各式各樣的病人餐有粥、有麵！左㨂右㨂，最後我揀咗呢個果醋豬軟骨韮菜餃米線（$42）。一上枱，我有少少後悔！因為個魚湯比果醋豬軟骨沾污咗，冇咗魚湯嗰種奶白色，仍冇咗魚鮮味，食完仲有少少口乾湯底有榨菜絲、腐皮及芽菜，都算多料。米線及韮菜餃屬正常級數，冇乜特別。反而豬軟骨炆到軟腍腍，而且好入味，味道酸酸甜甜，唔錯！不過如果豬軟骨可以分開上的話，我相信無論個湯，或者豬軟骨，都會更好味。