和順記 (電氣道) (已結業)

見佢開完一間又一間，今日專登來試吓佢咩料. 餐廳環境尚算ok,感覺舒服嘅，但就無咩特色…..坐低後唔使點諗當然係招牌菜啦 「雞髀皇雞蛋飯」. 我老婆就點左龍躉魚….碟飯來到隻髀就真係好大！大到我懷疑係火雞髀…我問侍應邊度來隻髀咁q大，佢話係美國最大的雞髀再砌開攤開所以更大～！食落去個皮係好脆，但估唔到啲肉都好juicy好入味，掂！堅係好食…..但係原來係可以加其他汁，咖喱汁，黑椒汁等！個侍應落單時又唔講..呢下要扣少少分！ 之後個到個龍躉，本人對魚就麻麻地…但我老婆就話好正…咁個味道係唔差嘅. 仲有個凍奶茶…係ok嘅. 埋單$130⋯⋯人均$65. 天后區呢個味道，呢個價錢我絕對可以接受. 讚！一定再去試其他野….