影片
更多
2019-12-30
3646 浏览
朋友係素食者，想試呢間餐廳好耐好耐，但因為時間有限而地點又唔太方便，啲唔起心肝去試。boxing day見有啲時間又適逢佳節，終於去咗蘭桂坊對上，ovolo酒店內既呢間veda食lunch。 事實上睇完餐牌其實都唔太sure係咩黎，上網睇下其他人叫咩自己又叫下Street side pani puri ($98)自己今次最喜歡的菜式，一個好薄脆既波波，serve既時候搵個羹扑開一個窿，將隔離碗仔入面既薯仔蓉裝入去，再倒啲辣辣地既coriander water入去，一啖食咗佢。幾有趣既食法，外脆心軟啲汁幾提升倒成件事。Artichoke Hummus With Corn Relish($88)Served with naan bread, 自己對這一道無咩feel，朋友幾鍾意。特別要提我覺得naan不太夠🤣🤣，大家要毫不猶豫大pat大pat dip，食唔曬好嘥㗎!Roasted Aloo Gobi ($158)亦喜歡這個，其實是半個cauliflower 同薯粒，焗咗再加咗啲醬。我睇上網有人推介所以點，我自己都推介這個，半份已經好飽。個汁幾好果，少少似咖哩因為有薑黃，同咗椰奶好香好滑，同
事實上睇完餐牌其實都唔太sure係咩黎，上網睇下其他人叫咩自己又叫下
Street side pani puri ($98)
自己今次最喜歡的菜式，一個好薄脆既波波，serve既時候搵個羹扑開一個窿，將隔離碗仔入面既薯仔蓉裝入去，再倒啲辣辣地既coriander water入去，一啖食咗佢。幾有趣既食法，外脆心軟啲汁幾提升倒成件事。
Artichoke Hummus With Corn Relish($88)
Served with naan bread, 自己對這一道無咩feel，朋友幾鍾意。特別要提我覺得naan不太夠🤣🤣，大家要毫不猶豫大pat大pat dip，食唔曬好嘥㗎!
Roasted Aloo Gobi ($158)
亦喜歡這個，其實是半個cauliflower 同薯粒，焗咗再加咗啲醬。我睇上網有人推介所以點，我自己都推介這個，半份已經好飽。個汁幾好果，少少似咖哩因為有薑黃，同咗椰奶好香好滑，同有啲杏仁片豐富下texture。
Fig Cheescake($80)
去到呢度其實我同朋友都已好飽，最後無完成到佢。可能係vegan cake既關係，特別厚實，比較滯。
Aphrodisiac Martini ($128)
好citrus味，細杯係prosecco，倒埋入杯野再飲
Celeryta ($138)
見倒個名都知有西芹，偷飲咗一啖，杯邊鹽有點多，不甜，覺得自己杯martini好味啲😂😂
今次叫既菜式全部係純素黎，全部都幾特別，有好多名都未見過既野(見識少係咁)。對素食者黎講係不錯既選擇，酒類飲品偏貴少少。地理位置唔算方便，但坐就ok，我哋都傾左兩個鐘計。似乎係較受外國人歡迎既餐廳，有機會都會再想黎試其他野。
张贴
