星林居雲南米線餐廳 (已結業)

米線精我認我係！一諗唔到食咩我都會去揀米線，貪佢可以自己揀自己想食既野。咁星林居就有別於一般米線，個湯夠酸夠辣，而家好多米線舖淨係識用大陸雜貨店果隻化學味辣椒醬尼開個湯，都唔知做乜！星林居好好多，一定係自己煮，又多肉碎！呢間我試過多酸中辣、同不酸不辣，結果兩個都好好食，我推介帶d唔食得辣又喜歡食米線既friend尼，一定包大家都食得開心。至於配送方面我推介豬軟骨同墨丸，前者超入味，後者好夠墨魚味！推介！