農場 (已結業)

聽朋友講新開左一間抵食既西餐廳就黎試下。洋蔥汁牛脷意粉($88)朋友介紹牛脷十分好味，我就慕名而來試一下牛脷，叫左個洋蔥汁牛脷意粉，上枱見到有5塊厚厚的牛脷，已覺得十分超值。牛脷食落十分淋，師傅應該用了好多心機。處理不好的牛脷是十分難食的，但呢到的牛脷，除了炆得十分淋外，每啖肉肉汁都有保留係牛脷到，一咬就有肉汁流出。肉味濃郁肉質鮮嫩，份量及質素都十分高，十分抵食。有機會會再黎試試其他的菜色。