燒肉801 (荃灣廣場)

营业中

休息中

大判燒！黑毛和牛肩胛肉燒肉必食款！燒到幾熟當然就自己控制，我就中意每邊燒10秒左右，半熟狀態再點生蛋汁，入口嫩滑多汁，男朋友就鍾意燒熟啲，有少少香脆口感，都係唔同風味！極上厚切牛胸腹柳係性價比好高嘅選擇，如果鍾意啖啖肉就要試呢款！牛胸腹柳肉質豐厚，加埋特別調味，入口有種鮮甜味道，又唔會太膩。黑毛和牛上肩肉上肩肉油脂較多，入口即融，如果怕太油膩可以加配生菜或者泡茶，解膩之餘仲可以增加一啲爽脆口感。葱鹽味雞腿肉特登燒耐啲雞腿肉，令外皮好香脆，就算燒耐咗雞肉都依然軟嫩，加埋香濃嘅葱鹽調味，正呀！辣牛肉麵最後當然要用湯麵作結！牛肉片好多，麵條做到Q彈有勁，湯底香辣濃郁，下次要試埋個冷麵！