Greyhound Café (海運大廈)

营业中

休息中

以前最鍾意一有短假期，就會飛去泰國小休一吓，食吓野，游吓水，每次一定會去Greyhound 食野，因為酒店附近總有一間係到，貪佢夠方便，又好食，但佢地進駐左香港後，反而只係去過一兩次，今日突然諗起，決定揾朋友今晚去食飯。炸單骨雞翼，炸得好香脆，肉質又唔乾，最好就係單骨，食得好方便。越式鮮蝦雞肉米紙卷，米紙卷包住鮮蝦同雞肉，諗住都應該幾好食，但咬一啖，極之失望，米紙卷好硬，蝦肉同雞肉無味，可能趁熱食會好d，最少d皮吾會乾哂。薄切三文魚配泰式辣汁，薄薄嘅三文魚，配埋加左香草嘅辣汁，入口除左有三文魚嘅鮮味仲有好辣嘅辣汁，好惹味，所以我同朋友要叫多碟先夠。香煎牛柳粒配香蒜汁，牛肉煎得五成熟，細細粒，可以一啖入口，牛肉都好鬆軟，唔會靱，加埋香蒜汁，真係停唔到口。鮮蝦辣椒膏炒飯，蝦肉都幾彈牙爽口，飯炒得粒粒分明，入口辣辣地，係一個好一醒胃嘅炒飯。飲品㸃咗熱香茅茶，香茅開胃解滯，最適餐後飲 。食完依餐飯，令我諗起去泰國好舒服，好hea，真係想即刻飛去泰國玩幾日。