遇見花蓮

营业中

休息中

今日放左工黎到炮台山搵食，呢間餐廳裝修好優雅，坐位都好闊落，服務員熱情既招待好快就入左去坐。首先我地叫左個小食，淡水滷肉刈包，滷肉加芫荽非常野味，包都較軟身容易入口，滷肉又非常入味，每口細細啖，慢慢品嘗。另一個小食係慢烤雞腿起司蛋吐司，呢個我個人十分喜愛，厚厚一層芝士配烤雞肉，外脆內軟，皮薄餡靚，我每次黎都一定要食佢。世界級享受。主食方面就點左台中手工雞卷滷肉飯便當，我覺得叫飯套餐係最抵食，有湯，鴨血，重有醉雞手工卷，個飯都有滷肉，重有半隻溫泉蛋，真係非常有誠意。份量十足。味道都好好，真係無得輸。另一款主食係蜜汁滷排骨滷肉飯便當，呢個更加抵食，兩大塊越大既排骨，真係份量十足，而且炸到香脆可口，而且味道好正，有咪燒汁係面，令味道更加提升。當然唔少得就係甜品啦，我地點左古早仙草三色芋圓，呢個唔算好甜，食得放心又健康啲，夏天最岩食消暑。跟餐重可以優惠價加16蚊配特飲，今次我地選左愛文芒果起司奶蓋同咪粒粒藍莓起司奶蓋，奶蓋甜甜地鹹鹹哋都幾過癮，唔算好甜，味道岩岩好。最後賣單都唔使三百有找，就可以品嘗咁多美食，真係抵食之餘又好味。好值得黎。