越風味地道越南料理

营业中

休息中

下午茶時間， 想食啲清淡又好味嘅嘢， 越南菜就最啱喇。 呢度乾淨企理 ，裝修以綠色為主調 ，有大自然氣息 ，牆上掛咗越南風情的畫像， 有下龍灣， 仲有苗條嘅越南美女， 非常養眼。🤩🤩 淨係養眼唔夠 ，要養胃先得， 兩個為食的人， 點了兩碗河粉， 兩個小食， 兩杯飲品 ，應該都夠食㗎。🤪💥💥 生牛肉河粉 碗粉真係好大， 生牛肉淥得半熟， 粉紅色，好多洋蔥，芽菜，香蔥， 最緊要就係有一碟九層塔加辣椒 ，新鮮嘅青檸， 非常正宗嘅越南食法。💥💥 熟切牛腩河 一樣係好大碗， 牛腩炆得好林， 好好味， 撈埋啲辣椒 ，九層塔， 揸啲青檸汁，真係惹味。 五十幾蚊一碗 ，可以食得好飽， 芽菜夠肥， 洋蔥夠多， 唔怪得啲越南女仔個個都咁苗條。💥💥 蒜蓉牛油雞翼 四隻又肥又大嘅雞翼， 用蒜蓉牛油炸香，鋪上洋蔥 ，仲有酸蘿蔔， 賣相先滿分 。咬落外脆內嫩， 配埋啲煎香嘅洋蔥， 同埋酸蘿蔔 ，一啲都唔覺得漏， 食到停唔到口。🤤👍💥💥 香煎魚餅 好有特色嘅小食， 煎鯪魚餅本來好普通， 但係加咗檸檬葉 ， 仲有啲鹹鹹哋嘅香蔥 ，當堂升華幾級 ，檸檬葉特別嘅香味 ，同鯪魚肉真係絕配。 越南菜呢個特色小食， 每次藜必食