番茄師兄

营业中

休息中

番茄師兄滑一滑(配烏冬) $54 lunch跟信陽毛尖無糖冷泡+$6想去呢間試好耐，但一直唔就腳，咁岩收工同同事食野去開嗰邊，即刻揀左食呢間。通常我第一次去食都會叫最經典嘅招牌野食(呢樣都唔好食嘅話好打極有限)，而呢碗滑一滑真係對得住個招牌。個番茄湯底真係超級香濃，飲晒都唔會口渴呢下真係冇得輸，而且湯底同配料嘅配搭亦非常出色。牛肉用嘅係騸牯滑牛，口感真係一流，彈牙爽滑，但有一點有少少可惜，豉油味略重左，掩蓋左本身嘅肉味，如果豉油淡番d，肉味應該會同湯底更夾。滑蛋又係好好食，番茄同蛋一向好夾唔洗多講，個蛋非常香濃嫩滑，個個都食到嘩一聲，真係多多都食得落。至於烏冬偏幼身，相信係稻庭烏冬，但煮耐左少少，夾起黎容易斷裂，口感唔夠彈牙，相信第日會試番米線。飲品嘅無糖冷泡茶好好飲，純粹茶葉清香，真係清涼消滯。