竹家莊

营业中

休息中

雖然話防疫政策放寬咗，餐廳食肆可以通宵營業，但經過疫情之後，好多人都習慣早食飯，加上遊客又未返嚟，所以好多食肆都冇好似以前咁開番咁夜了，呢間食肆算係佐敦來說開得比較夜的，所以月時就算貴少少都會幫襯。講真佢啲嘢又真係幾好食嘅，不過份量就好小，例如七十幾元嘅燒鴨湯河粉，兩啖就食晒，仲有五十幾元嘅白灼魷魚、白灼海蜇頭等，睇落價錢唔貴，但係只係鼓油碟大少少，另外辣酒煮花螺都好味嘅，不過因為份量比較少，唔覺唔覺就會每人食咗兩三舊水，仲有佢個招牌辣油都好出名，唔食辣嘅朋友都要點少少試吓。