雲香園小鍋米線

营业中

休息中

實不相瞞其實呢我真係好鍾意食米線，所以呢經常會周圍去試唔同嘅米線，今次我就嚟到尖沙咀漆咸圍嘅雲南米線舖，舖頭細小，但係我想同你講呢啲就真係正宗嘅雲南米線，就係我最鍾意食嘅味道，反而比較大型嗰啲係變咗質嘅米線，我同朋友就試咗同一款嘅雲香園米線，不過我就要大辣佢就要清湯，我飲杯凍檸茶走甜，佢就飲豆漿，當我第一啖食落口嘅時候，我就知雲香園呢一個米線，絕對係我不停想食、周圍去搵嘅正宗雲南米線，不嬲好鍾意食辣嘅我，有時都睇高咗自己叫得太辣，但今次我叫大辣，佢唔單止唔會令到我食唔到，係會更加令我不停咁樣咁樣食，雖然都有不停流鼻水堅好吃！米線有啲咩餸呢？等我介紹一下先雲香園米線台灣腸、冬菇、雞絲、雞翼、春卷、芫荽、蔥、花生…其實真係好多材料之後我想講碗米線都係$65咋，我再加埋杯凍檸茶走甜都係$80左右我都唔記得！真係超抵食呀！最鍾意食米線嘅我下次都會一定再返轉頭去食，真係值得是大家去試吓！如果你係好鍾意食米線，因為呢個真係正宗雲南米線！