好吃吃光

营业中

休息中

𖦹 月見蚵仔魯肉飯 $60 蚵仔大粒飽滿而且毫無腥味，處理得宜，中間嘅蛋黃帶點日式風味；將蛋黃、魯肉汁拌勻同吃，滋味無窮，如果魯肉汁再濃郁杰身啲就更理想。除咗可以少飯/多飯之外仲可以免費添一次飯，大胃皇嘅食量都能滿足到。𖦹 大滿足蛋餅：起司、雞排、薯餅、玉米 $54 第一次食有雞排同薯餅嘅蛋餅，啲餡的多到就嚟撐穿個蛋餅，超豐富；蛋餅煎得香脆，帶微微煙韌，一啖咬落去口感極佳。𖦹 芋泥鮮奶 +$20有芋泥的地方就有我。將佔咗個杯一半嘅芋泥與鮮奶拌勻，啜落去滑順帶微甜嘅芋泥，仲可以食到粒粒芋頭，非常飽肚，建議share。𖦹 仙草冬瓜茶 $12仙草極之滑溜，惟冬瓜茶偏淡，濃味啲就好。