Espresso Alchemy (美麗華廣場1期)

营业中

休息中

今日同屋企人行行吓街，想唞吓，諗起附近有一間好好食嘅coffee shop，就過咗嚟啦。呢間cafe位置唔難搵，一落電梯就到㗎啦，方便快捷。喺環境方面，一入到去好乾淨，而且冇咩噪音，大家都好安靜咁樣做緊嘢，休息緊。而且佢嘅裝修好簡潔，令人望落去係覺得好舒服。一入到去我哋諗住叫啲嘢食， 我哋就叫咗煙三文魚沙律、香煎虎蝦配蘆筍辣蕃茄汁意粉、蜜糖伯爵茶鮮奶等。食物方面，煙三文魚沙律嘅煙三文魚嘅煙熏味好重，配上沙律嘅清淡，簡直絕配。而意粉嘅虎蝦好新鮮，令人一試忘懷。飲品方面，伯爵茶鮮奶好解膩，幫助你清一清頭先切舌尖上嘅味道。整體來講，真係好值得去試！