鮨岐

营业中

休息中

紅磡好少做得好嘅日本料理，咁啱經過見佢新開，所以就同老公入去試下！一進門又光猛又乾淨，而且兩個後生男侍應都好有禮貌。㨂好食咩之後就同個紮辮嘅中年女侍應落單，奇怪乜都黎齊就係爭個沙律未黎，問番個阿姐，個阿姐望完自己手寫嘅簿仔，個樣明顯係自己無落，但就同我哋講「我叫師傅整快d」然後就急急入電腦，由頭到尾一個唔好意思都冇。喂當我盲架？望住你入單架！衝住呢個阿姐嘅表現，本來真係想俾負評，但係佢d食物係above average，沙律足料又新鮮，鍋物同石鍋飯都係水準之上，老公仲好滿意d壽司。所以都唔想俾嬲嬲，畢竟係新餐廳d嘢又好食，其他侍應又好好。希望果位阿姐可以改善下！