雲貴川

营业中

休息中

今日我嘅同事咁啱拎返份文件俾我，我就帶佢去屋企樓下呢間餐廳食夫妻肺片！因為我個同事唔算食得好辣，所以佢成日都想試吓食夫妻肺片，但係又驚辣得滯😵‍💫！呢間餐廳就啱晒佢啦，夫妻肺片唔算太辣㗎！另外，我哋仲叫咗個酸菜黑魚片，佢呢度嘅酸菜真係醃製得好入味！湯底好濃郁😳，所以啲魚都勁有鮮味。另外佢仲有好多配菜㗎，有木耳啦、豆卜啦、同埋支竹，全部都已經好吸湯！另外我哋仲叫咗一個吉列魷魚圈做小食最後我記得細個嘅時候好鍾意食魷魚圈㗎 ！以前隻手仔細啲仲可以當係手鈪咁樣轉住喺隻手度添！😂最鍾意佢夠晒香口，煙煙韌韌好好味😍仲有呀，仲有呀提醒大家一定要叫下佢哋嘅飲品，你睇吓佢個檸檬茶幾大杯！