烏骨雞拉麵 龍 (已結業)

團購咗烏骨拉麵，星期一到期，於是星期日就去食。
間舖細到無人有，只能容納十多人。背對背，好迫，坐得唔舒服。
我地一行三人，剛好趕得及第一輪，如果唔係有排等。
雖然入到去，但都要等四至五個字先有得食。會唔會太耐呀！！！？？？
我要咗味噌湯底，湯底好濃，但又唔太肥太咸，合格。
麵條係粗嘅，幾彈牙，不過份量太少，男人一定唔夠飽。
塊叉燒薄到識飛，所以口感同肉味都無晒。 反而隻蛋就幾好，真係流心嘅。

團購先抵食

整體ok，但如非團購就唔會幫襯了。