山系。本舍

营业中

休息中

今次晏晝一個人嚟到太子，剛做完嘢時間鬆動，所以周圍逛下搵下，見到呢間日式料理小店，感覺舒服，一於入去睇吓有乜嘢好食。小店不大，只有一邊吧枱，大概有4-5個座位，充滿日式居酒屋感覺。小店供應有全日早餐、手打烏冬，亦有貝果三文治、沙律、燒物、佐酒小食及飯類等。飲品方面，亦有供應多款清酒、日本啤酒，如果有興致，可以來一杯真的不錯。選了《手工樱花蝦醬拌手打烏冬》（$68），撈鳥冬賣相不錯，並配有兩款前菜。選用日本手打稻庭烏冬，入口軟滑有咬口，混入櫻花蝦油、木魚絲、甘筍絲、蔥花，將所有材料及烏冬拌勻，每一啖都口感非常豐富。樱花蝦油香味濃郁，真係食完一口就忍不住再想食多口。小店雖不大，但感覺親切，令人舒服放鬆。加上食物用心製作，一間用心機的小店，值得多加支持。