有超過10款嘅湯底可以選擇，我哋就揀咗 藥膳養生鍋 同埋 豬骨湯。湯底都好足料，尤其是藥膳養生鍋，入面有蟲草花、紅棗、杞子，個鍋一放上枱面就聞到好濃郁嘅藥膳味！
呢個set有七款肉類可以叫，分別有：
澳洲M7牛胸腹🐮
澳洲M7大米龍🐮
日本鹿兒島茶美豚梅肉🐷
澳洲250日穀飼卡樂Beef🐮
精選牛板腱🐮
西班牙粟飼豬梅片🐷
羊肉卷🐑
我哋係牛魔王，主要都係叫牛肉，我覺得四款牛其實都幾靚，牛胸腹好肥美、牛板腱嘅油脂分布好平均，輕輕淥一淥，10秒左右就食得，食落相當嫩滑！
花雕醉雞同我個藥膳湯底好夾，好入味。
台式小食有花枝丸、台灣腸、鹽酥雞、蝦卷、鴨血等等，今次就試唔晒，唯有下次啦。
另外，自助吧有各種丸類同埋蔬菜可以自取。
台式飲品都係任叫，有20幾款咁多，叫咗杯巨版雷萌紅茶，真係好大杯，同埋除咗部份固定甜度嘅飲品之外，其他都可以揀唔同嘅甜度，例如微甜或者走甜，啱晒我呢類減醣人士。
甜品有好多款式，有窩夫、雪花冰、檸檬愛玉凍、芋圓仙草凍等，天氣熱想食雪花冰，叫咗鳳梨雪花冰同埋飄雪世界，透心涼啱晒而家個天氣。
然後有四款甜品係每人只限叫一款，我哋最後試埋呢個 真 芒果雪條，係用原個新鮮芒果做成，果香十足，非常值得一試！
📍 別忘了（天水圍）
香港天水圍天湖路2號天耀廣場LG1樓LG15-16號舖
