牛大人台灣火鍋吃到飽 (瓊華中心) (已搬遷) 新店位置

最近天氣凍，最適合打邊爐～打邊爐首選就梗係揀牛大人啦！價錢合理而且好多嘢食，好多食品係由台灣直送，其他餐廳冇機會食到～湯底選擇有成十款，每款各有特色，個人就喜歡台灣濃香蕃茄鍋同埋眷村白玉酸菜鍋。餐廳職員殷勤有禮貌，而且做嘢好有效率，收碟上菜都快，落餐用QR code好方便，完全冇漏單。今次就揀選左120分鐘極上和牛吃到飽套餐$288 套餐內贈送由澳洲M9和牛牛丸，每位有2粒，牛味特別濃郁！牛肉仲有澳洲M5和牛級別既牛肩卷、安格斯牛小排及特選牛板腱等等，種類非常之多。除此之外高人特別推薦各款漿類，尤其係新推出嘅黑松露海鮮漿真係好特別！另外蟹子墨汁漿、干貝鮮魚漿同埋章魚珍珠漿，都唔可以錯過～入口爽口彈牙，非常足料！我仲鍾意台灣嘅水蓮，口感好特別。鴨血口感爽滑都好正，燕餃d皮有少少煙韌咁，都唔可以錯過～自助區仲有多款蔬菜、丸、麵等等可供選擇，好多都係台灣直送㗎！仲要每一個都係獨立盒包裝，夠晒乾淨衛生。飲品方面選擇都好多，我就特別喜歡無糖嘅冷泡茶，消滯解膩，打邊爐就最啱。120分鐘真係食到冇停口，臨尾仲有雪糕又或者仙草甜品可供選擇，真係大滿足～下次一定會再回訪呀！