捌加廿陸天婦羅居酒屋

营业中

休息中

今日放半日假，所以想好好地放鬆吓，食個靚飯。行開旺角，喺近廣華醫院嗰一邊，原來有一間天婦羅專門店，鋪面唔算大，位置係吧枱形式，但係好似樓上仲有其他位置，不過因為冇上去睇，所以就唔知道情況。佢嘅天婦羅丼係套餐，可以自選唔同嘅天婦羅主菜，另外佢會配埋麵豉湯、生果、青瓜而煮食方面就可以選擇麵或者飯。今日就試咗佢幾款唔同嘅天婦羅，分別係虎蝦、鰻魚、紫菜蝦膠、牛肉餅、本菇同先帶子，煮食方面就揀咗我最鍾意食嘅冷蕎麥麵。因為係坐Bar枱，所以可以見到廚房嘅運作，落單之後佢哋就會根據食材即刻點粉然後炸，所以上菜嘅時候天婦羅都仲係熱辣辣，非常脆口。食材方面味道都相當唔錯，蕎麥麵嘅質素都好好，整體嚟講性價比都非常高。