3
酒樓環境寬敞，最特別嘅係有超大露台，戶外座位可以欣賞日落同無敵海景添 。天氣涼涼地，微風輕吹，舒服寫意，別有一番風味。
先嚟個藜麥遼參小米羹暖暖胃 。
三款蟹食法包括 清蒸、花雕蒸、鹽油焗，試晒之後覺得最驚喜係鹽油焗：蟹殼金黃，蟹膏多，帶微微鹹香又有鮮甜蟹味。膏香濃郁、口感綿滑，加上鹽油提香，特別惹味👍🏻。
小菜方面，北京片皮鴨絕對係亮點之一。鴨皮烤得香脆，仲見住店員即席片皮。脆皮入口即化，搭配甜麵醬、青瓜、京蔥同麼麼皮，鹹香中帶甜味，層次感十足。鴨肉嫩滑油脂豐富，唔會過乾，食完幾件都唔覺膩。
糯米飯 亦係意外驚喜，粒粒分明，口感煙韌，滲出微微油香，加上臘味香氣。食完蟹再來一碗，有種暖胃又滿足嘅踏實感，秋冬必食之選。
甜品方面，薑茶湯丸 特別值得一讚，薑味濃郁但唔嗆喉，熱辣辣入口即暖，食完蟹嚟一碗，驅寒又舒心。蘋果包造型精緻，裡面嘅蘋果饀甜而不膩，完美收尾。
整體氣氛悠閒，服務員補蟹執枱手腳快，加上價錢合理，兩小時任食完全唔趕。趁大閘蟹季真係要食多幾次呀😜！餐廳仲有提供小菜同即叫即做手工點心，價錢合理，下次要試吓先～～
