星之戀

秋風起，又到吃大閘蟹的時候了，雖然現在只是剛剛開始，很多餐廳都已經推出了大閘蟹放題了。就像今天吃的這間在荃灣海之戀商場的星之戀也推出了放題，現在吃還有送鮑魚和燴遼參呢。而且餐廳比較特別，有比較少有的窗邊位，更有露天的地方，還可以看到夜景呢，不過今天就下雨坐不了，有點遺憾了，天氣涼涼的在露天吃飯真不錯呢。２小時任食放題（４９８元）這個放題主角一定是大閘蟹，尺寸約三兩左右，有大有小的，都是公蟹。雖然個頭不是很大，蟹膏什麼不會太多，但這是放題呢，多吃幾個就好了。而且上菜速度挺快，也可以多下單幾隻！蟹黃鮮甜，蟹膏軟糯甘香，蟹肉滑嫩。而且更提供了三種口味，分別是清蒜，花雕煎和鹽油焗，各有特色，原味最鮮，但花雕會有酒香，鹽油焗就最惹味。送的鮑魚口感爽滑，燴遼參的海鮮味很濃。其他還有片皮鴨，想不到是一整隻即場片給你的，皮非常脆，肥而不膩的。糯米飯也有驚喜，材料很多，口感軟糯，味道香濃，臘味很香。甜品也有６款可選，吃起來都挺新鮮的，都是現炸現蒸的，個人挺喜歡鮮奶卷和蘋果包。…查看更多

秋天最期待嘅莫過於大閘蟹季，而今次星之戀推出嘅🦀大閘蟹放題，兩小時任食、仲送一隻八頭鮑魚，$498一位，CP值相當唔錯。酒樓環境寬敞，最特別嘅係有超大露台，戶外座位可以欣賞日落同無敵海景添 。天氣涼涼地，微風輕吹，舒服寫意，別有一番風味。先嚟個藜麥遼參小米羹暖暖胃 。三款蟹食法包括 清蒸、花雕蒸、鹽油焗，試晒之後覺得最驚喜係鹽油焗：蟹殼金黃，蟹膏多，帶微微鹹香又有鮮甜蟹味。膏香濃郁、口感綿滑，加上鹽油提香，特別惹味👍🏻。小菜方面，北京片皮鴨絕對係亮點之一。鴨皮烤得香脆，仲見住店員即席片皮。脆皮入口即化，搭配甜麵醬、青瓜、京蔥同麼麼皮，鹹香中帶甜味，層次感十足。鴨肉嫩滑油脂豐富，唔會過乾，食完幾件都唔覺膩。糯米飯 亦係意外驚喜，粒粒分明，口感煙韌，滲出微微油香，加上臘味香氣。食完蟹再來一碗，有種暖胃又滿足嘅踏實感，秋冬必食之選。甜品方面，薑茶湯丸 特別值得一讚，薑味濃郁但唔嗆喉，熱辣辣入口即暖，食完蟹嚟一碗，驅寒又舒心。蘋果包造型精緻，裡面嘅蘋果饀甜而不膩，完美收尾。整體氣氛悠閒，服務員補蟹執枱手腳快，加上價錢合理，兩小時任食完全唔趕。趁大閘蟹季真係要食多幾次呀😜！餐廳仲有提供小菜同即叫即做手工點心，價錢合理，下次要試吓先～～…查看更多

今日我同屋企人去咗荃灣西食大閘蟹放題，呢間餐廳位置好方便，搭地鐵出荃灣西站，行2分鐘就到。大閘蟹任食，真係食到飽！每隻蟹都係現蒸出嚟，味道非常鮮美，金黃色蟹膏好吸引，入口即溶！大閘蟹有三隻口味清蒸、花雕、鹽油焗，真係各有特色，仲有任食片皮鴨、糯米飯，至於甜品方面，薑汁千層糕、黑糖糍粑、薑汁湯圓、椰汁桂花糕同埋大良鮮奶卷，每款都好好味，特別係薑汁千層糕，口感滑溜，真係令人回味無窮。每位仲有蠔皇燴八頭鮑魚加小米燴遼參，真係性價比好高！鮑魚香濃彈牙，好正！店內環境好舒服，餐廳設有室內同戶外座位，戶外座位尤其好，可以一邊享受美食，一邊欣賞日落同海景，氣氛休閒寫意，真係聚餐嘅好地方～餐廳仲有中式私房菜，價錢唔貴又親民，手工點心仲係即叫即做，我已經book定位，下星期再嚟食嘢！…查看更多

早幾日先食完大閘蟹 今日見到有大閘蟹放題就同朋友即刻嚟食$498/位 兩個小時大閘蟹放題 係時候大開殺戒😂😂呢度大閘蟹有三個煮法 清蒸 花雕 鹽焗全部都係即叫即整 等嘅過程中可以食住其他嘢先本身每人會有一隻8頭鮑魚 一碗遼參羹仲有片皮鴨！一隻份量都幾多啱晒兩個人食！最緊要係佢夠熱辣辣 皮非常之脆！仲有糯米飯！ 以往食大閘蟹淨係食過清蒸呢個煮法 原來鹽焗都幾好食！今次嘅大閘蟹都有手掌心咁大！全部都係公！大部份大閘蟹嘅蟹膏都幾香！仲有幾款甜品食 不過實在太飽啦！最後我哋每人叫咗兩碗薑茶湯圓！入面仲有芋圓！一嚟可以驅寒 同時間又係甜品！湯圓係花生餡 幾好食！原來呢度仲有戶外地方可以望到荃灣海濱！都幾啱一齊嚟影相！另外呢度晚市其實都幾多人！菜式都幾大碟 價錢好合理！…查看更多

荃灣「星之戀」酒家位於海之戀商場3樓，環境幾舒服，有中式私房菜同手工點心即叫即做，仲可以望到青馬大橋嘅景色，幾啱同朋友一齊慢慢食吹下水。佢哋主打嘅「大閘蟹放題」（每位$498左右）真心抵食！有齊三款煮法：清蒸、花雕蒸同鹽油焗，即點即煮，保證熱辣辣。大閘蟹大約3.5兩重，雖然唔算超級大隻，但每隻都爆膏，蟹黃口感滑溜濃郁，尤其花雕蒸版本夠晒香，唔會蓋過蟹嘅鮮味。放題仲包括任食北京片皮鴨（皮薄肉嫩）、生炒糯米飯同多款甜品，例如大良鮮奶卷同薑汁紅棗千層糕都幾出色。每位客人會送蠔皇8頭鮑魚同小米燴遼參各一客，擺盤精緻，份量足料。整體來說，呢個價錢有即蒸大閘蟹兼多款高質菜式，性價比高，值得一試！…查看更多

星期日一人飲茶，這裏食物有好有壞，蒸腸粉可以是微溫，糭有一次係有酸味。今次侍應安排要搭枱，對面阿伯係咁咳，我要求調位，去卡位，類似高級啲侍應要我畀兩位茶錢才可坐，一係坐個大電視下面，後來另一侍應話唔使啦！咁我坐啦！食完埋單先，又有個侍應話要我走，平時如果坐佢啲圓枱就唔使趕走嘅！咁嘅服務態度，唔怪之得香港食肆無得做，坐佢個卡位好似犯咗佢嘅法咁！不歡迎嘅！你寫明唔歡迎一位客人，一定要多人才可飲茶啦！以為坐咗張卡位會發達！好巴閉！…查看更多

一到秋天，最期待嘅就係大閘蟹啦！最近去咗荃灣【星之戀】，佢哋新推出嘅大閘蟹放題真係幾吸引，而且仲有優惠價😍。📌 大閘蟹分三種口味：清蒸：原汁原味，蟹膏濃郁飽滿，超滿足！花雕：酒香滲入蟹肉，味道更香更惹味。鹽焗：外殼鹹香帶脆，蟹肉保持鮮甜，別有一番風味～除咗源源不絕嘅大閘蟹，仲有片皮鴨同糯米飯，滿口香氣。最後當然唔少得多款精緻甜品🍮，鹹甜交替🍽️ 其實「星之戀」唔只係大閘蟹放題咁簡單！店裡仲有私房中菜，價位中等，仲有即叫即整嘅手工點心，用料新鮮又夠心機。✨ 環境方面，餐廳設有室內同戶外座位，坐喺露天位置仲可以望住日落同海景用餐，氣氛輕鬆自在，好適合同朋友聚會或者慶祝場合📍 荃灣星之戀｜大閘蟹季優惠進行中 🦀 無限任點大閘蟹＋片皮鴨＋甜品一次過滿足！總括而言，味道唔錯，值得一試！…查看更多

見網上成日賣廣告話抵食，星期六去無任乜優惠，叫了套餐可選一款燒味，一款粉麵飯及三個點心，加埋茶錢總數要$407，午餐來講價錢唔平。食物上枱時都熱辣辣，也不用等好耐，燒肉皮脆但略鹹，份量少；叉燒菜粒炒飯：飯較乾但味道可以，菜粒新鮮；牛柏葉都幾入味，有咬口；珍珠雞飯多餡少，糯米飯軟硬適中，中間有粒細鹹蛋黃；燒賣大粒但普通，內有一隻半蝦。坐近門口冷氣不太夠，有點熱；侍應有禮。兩人食一個套餐也夠飽，茶叫了鐵觀音也夠味。…查看更多

又到品嚐大閘蟹季節，今日與友人相約荃灣一家酒家選擇性價比高大閘蟹放題😍餐廳坐落之處視野開闊，倚窗遠望青馬大橋，夕陽餘暉映照下的景色格外動人。🦀大閘蟹放題 $498/1位有三種烹調方式各具風味：清蒸保持鮮甜本味，油鹽焗則提升鮮味，花雕熟醉風味，沒有掩蓋蟹的鮮味，頗合個人口味。大閘蟹大約3.5兩左右，算不上很大隻，但勝在即蒸，而且每隻都很多膏，蟹黃食落口感滑溜，味道濃郁😋此外，放題還有北京片皮鴨，皮薄肉嫩，搭配煙韌餅皮，口感層次分明。還有生炒糯米飯和多款甜品亦可盡情品嚐。特別喜歡大良鮮奶卷，外脆內嫩，濃香奶味。薑汁紅棗千層糕，薑汁濃郁，口感煙韌。✨️每位客人還送蠔皇8頭鮑魚與小米燴遼參一份，擺盤精緻，且份量足。星之戀酒家不僅提供大閘蟹放題，還有各式中式私房菜，價格屬於中等水平，手工點心則現點現做。🎈星之戀🎈大河道100號海之戀商場3樓3013號舖…查看更多

假日一行十一人朋友聚餐,點了八個小菜,味道普通酒樓貨式但份量極少,最平的啫啫生菜煲$138 ,$168 /碟的咕嚕肉份量只比大家樂套餐多少少,同樣價錢的苦瓜斑腩煲只食到魚骨完全沒肉（是我食過最差的班腩煲）,花膠翠塘豆腐裡的花膠切碎冇口感冇鮮味完全唔值！煎蓮藕餅$168.00 又係得嗰八塊唔夠分,北京填鴨$188/一吃味道價錢已算是最合理了！最奇怪是飯後贈送之紅豆沙,只有兩碗是熱其他都是凍的（呢啲細節位証明廚房管理真係有問题）,由於我們坐房,但結賬後大约九時一名貌似女部長/經理已不停在房門口張望似有趕客之嫌,大家唯有掃興離座！其實荃灣還有其他性價比更高,更美味服務更好的酒樓,如想試新野或探店真要三思以免中伏又換來一吐氣！…查看更多

食完睇番啲食評先發現好多人話佢做生意唔老實，估唔到真係中伏。我哋去飲早市，叫咗斑蘭生煎豬肉餃，嚟咗斑蘭生煎包，我哋冇叫佢換，照食，到埋單嗰時諗住叫佢張單轉番做斑蘭生煎包，因為生煎包係比煎餃平一蚊，我仲特登影埋相俾佢睇當時係嚟咗包，點知個女部張死口話係餃嚟，唔肯轉番張單，真係當我哋傻，仲話我哋冇斑蘭生煎包，到我喺個餐牌指個斑蘭生煎包俾佢睇，佢又話個包係白色，唔係咁，真係指鹿為馬到一個點。我見只係差一蚊就唔同佢糾纏，不過顯示出佢哋做生意好唔老實，冇生煎餃咪同我哋講囉，唔使咁核突嘅。雖然食物同個景係幾好，不過做生意唔老實即刻扣晒分，唔會再有下次。…查看更多

中午同老爸慶生飲茶，等左兩轉無出雪山义燒包，埋單對單（大家一定要對單）發現無取消，於是請佢取消，等咗好耐有兩個經理/部長來回幾次都稱lock 機取消唔到。最後取消完，我回頭搵老爸，佢反覆話個職員話無來鳳爪，我話明明話無來雪山义燒包。我行到出收銀，竟然聽到兩個聲稱lock機的女子話：明明成枱骨，仲話無食鳳爪。我即時覺得不能接受，問返點解要同老人家講“鳳爪”，而非澄清“雪山义燒包，”收銀女士 call 了兩三次機明晰轉達無來的义燒包，我亦對住聲稱lock機的女部長/經理講，從來無提咩鳳爪。要求澄清佢哋的行為，只係涉事的人等即時閃人。作為客人，唔知班人係溝通得咁差，定係有人講錯然後等啲客唔對單、唔出聲，或怕麻煩就過關。仲有，假日的價錢，同點心紙唔同，佢喺某角寫假日貴啲，而不是在點心價錢隔離。所以大家要小心睇清楚。不過，服務態度咁差，再好食、再好環境我都不會再幫襯。…查看更多

午市孖寶，寫住$168，埋單嗰時變咗$208，原來有細細隻字寫住，假日加$40（我估），喺我前邊嘅客人埋單同樣有呢個問題，收銀就叫出去樓面：解釋吓俾呢位先生小姐聽！$40又唔使解釋嘅，不過會令到顧客唔舒服，我本身見到呢間食肆做咁多小視頻，宣傳呢度有幾好食，首先味道就中規中矩，服務就完全跟唔上，賣廣告變相趕客，奉勸呢位老闆用返啲好啲嘅夥計啦，最近香港執咗咁多食肆，大把人需要一份工，黑口黑面嘅夥計可以叫佢返屋企休息，完…查看更多

叫寫野、沖水、話忙，企係度吹水就得😂愛理不理食物就好彩仲入得口，未反胃最不知所謂係無要求下自把自為改左個客張單，話人地‘唔夠食’提升番服務水平去正常程度，就算唔好食條氣都順啲啦…查看更多

剛剛過去星期日約埋班朋友去星之戀飲茶聚會，點知就係比佢門面裝修呃咗，滿心歡喜諗住啲點心及小炒都會有驚喜，點知最終發覺兩個點心唔夠熱，即時同樓面講換過，當時個樓面即時黑面，態度極之惡劣，最後都好似好唔願意之下幫我哋換咗，另外尤其是嗰個安格斯乾炒牛河極之難食，炒飯又冇味道，燒鵝又凍嘅，蝦餃啲蝦又霉，冇諗住呢個裝修格局啲嘢食水準咁差，我哋都從未食過一閒酒樓咁難食，第一次幫襯實在太失望，唔會再有下一次幫襯😡…查看更多