The Francesco (已結業)

已經數唔到有幾耐冇嚟過大角咀，除咗多咗好多新樓，餐廳都有好多新面孔，不過依然保留大角咀小店為主既特色。呢間走意大利餐廳路線，內裏都幾闊落。餐牌有定時更新，主打有扒有意粉有小食。香燒羊肋扒配薯條 $188羊肋扒同平時食開既羊架真係兩個體驗，好似鋸扒咁。外皮燒得香，中心位置羊肉嫩口，而且重羊羶味。配菜係薯條同沙律菜，整個份量都好足。香蒜牛油粉絲虎蝦扁意粉 $138虎蝦用中式的烹煮，蒜蓉牛油粉絲人見人愛，夾到扁意粉同意粉汁，冇違和感，中西合璧都冇問題。芝士焗蠔 $78芝士來得澎湃，啖啖芝味，難得有沙律菜為口腔清一清。Ice Oreo chocolate $48朱古力味香濃，上面有忌廉同 Oreo碎，吸引既賣相令人難以抗拒。