1
佢哋嘅爆脆大粒魚蛋同手打墨魚丸好出名㗎！魚蛋好大粒，爽彈香甜，有辣有唔辣選擇。魚蛋外層金黃色，入面雪白嫩滑，而手打墨角丸入面仲有墨魚粒，食落更有口感。
佢哋嘅巨型滷水大墨魚都值得一試。大大隻嘅墨魚切成細粒，入口爽彈，滷水汁仲提升咗墨魚嘅鮮味，令人回味無窮。
另外香滑豆腐花一定唔可以錯過。有熱同凍，豆腐花嫩滑細膩，帶有黃豆嘅香味，再加上黃糖，味道更加美味可口。
最後，如果你想飲返杯清涼嘅野，可以試下佢哋嘅陳皮冰糖燉檸檬。呢杯自家製養生飲品唔止可以解渴，仲可以清熱解暑。酸酸甜甜嘅味道特別適合夏天嘅天氣。
