更多
2016-11-08
990 浏览
丼呢樣野真係食極都唔會厭,更何況係魚生丼呢 相信鐘意食日本野o既您,都會同意一點,就係香港魚生丼o既質素係十分參差不齊,有d可以差到一食落口就即刻想有肚痛o既感覺 (誇張),當然係呢個飲食天堂,亦都有不少高手雲集喔~ 豊勝手丼好快已經佔據左openrice第一位,當然我都要快d去試下佢o既質素如何啦~餐廳好易搵的,同一蘭同一條街,一轉入去街頭就會見到佢啦餐廳面積都幾細,好彩我係3點幾黎到唔洗等位,繁忙時段大家記得要早d黎啦原來係鳥居同埋漁獲浜燒同一集團,之前都試過呢兩個餐廳,質素十分之高,令我對呢間餐廳有更高o既期待有好幾款丼選擇,亦都有omakase丼,但我見到沢豊雲丹丼有成板海膽咁吸引,諗都唔洗諗就揀左佢啦~沢豊雲丹丼 ($298)一個丼當然會有前菜、湯、伴菜、主食,麵鼓湯有足夠豆腐同海帶,前菜做得頗為用心,牛腩炆到好淋好入味,應該用左唔少時間炆燉此菜式終於到食主菜啦!! 海膽呀~~ 海膽呀~~ 係成板海膽呀 實在太興奮,除左原板海膽,青瓜上面o既原本應該係加拿大海膽,不過我order o個陣店員話已經無晒存貨,所以要俾同類海膽,另外仲有赤蝦同埋碎蔥吞拿魚腩我二話不說就拎起塊紫菜包
豊勝手丼好快已經佔據左openrice第一位,當然我都要快d去試下佢o既質素如何啦~
一個丼當然會有前菜、湯、伴菜、主食,麵鼓湯有足夠豆腐同海帶,前菜做得頗為用心,牛腩炆到好淋好入味,應該用左唔少時間炆燉此菜式
終於到食主菜啦!! 海膽呀~~ 海膽呀~~ 係成板海膽呀 實在太興奮,除左原板海膽,青瓜上面o既原本應該係加拿大海膽,不過我order o個陣店員話已經無晒存貨,所以要俾同類海膽,另外仲有赤蝦同埋碎蔥吞拿魚腩
我二話不說就拎起塊紫菜包海膽食,紫菜有少少淋左,如果脆o既會好好多,海膽十分鮮甜,一點臭味都無,就咁食其實更能食出海膽o既鮮味,赤蝦大大隻,蝦頭仲有少少蝦膏,碎蔥吞拿魚腩完全無筋,配埋壽司飯就最好味啦
呢間餐廳果然無令我失望,$298可以食到如此高質魚生丼,仲有成板海膽,本小姐認為十分物超所值! 我一家會再黎試埋佢o個omakase丼
张贴