景福餐廳

营业中

休息中

天氣凍凍地食煲仔飯真係一流，雖然而家好多連鎖餐廳都有得食，但我仍然喜歡支持小店！今日同家人去完啟德行街，就到新蒲崗外賣了呢間小店的煲仔飯及2款小菜回家。煲仔飯揀了豉汁白鱔，外賣紙盒加錫紙兜包裝十分穩陣，返到屋企仲熱辣辣！鱔魚大件肉厚，食落新鮮無腥味，豉汁已經夠晒惹味，就算唔落豉油都絕對足夠！而煲仔飯最重要係飯焦～估唔到外賣的煲仔飯會做得咁好！而呢度另一個特別之處就係可以選擇粒粒芋頭飯，比起白飯更有口感！小菜咕嚕魚塊，魚塊大大件，咕嚕汁酸甜味適中，配菜有菠蘿青椒洋蔥，好豐富。蝦醬豬頸肉，呢款又係無得彈，蝦醬咸香味夠濃，醃豬頸肉很入味，連配菜南瓜都好入味，配飯一流！小菜套餐配埋白飯及例湯。難怪呢間小店外賣及堂食人流不絕。