和順記 (電氣道) (已結業)

位於天后嘅「和順記」，原來有個朵叫「油麻地神級雞髀皇」😮既然係咁，點都要試下呢間嘅雞髀🍗。▫️生炸雞髀王煎蛋飯 (HKD58) - +$10轉烏冬所以炸雞髀同烏冬係分開上嘅。雞髀用特製韓式醃肉方法醃製數小時，效果係令肉質變得更加嫩滑。我哋覺得味道真係唔錯，雞髀肉唔會因為經過高溫油炸後而變乾。一隻炸雞髀嘅size真係有手掌咁大，外皮炸到金黃色，賣相同味道一樣攞晒滿分。另一份炸豬扒我哋覺得水準麻麻，如果下次再去都係叫番食炸雞髀好喇。價錢定價比較進取，加上店員嘅服務態度麻麻，以咁嘅格局及價錢真係好難令到我想再去幫襯。