.
秘製豬扒飯 （肉燥汁） 💲60
⭐️ 4/5
店家穩打穩扎招牌之作。炸豬扒大大塊，即叫即炸香脆肉質合格。肉燥大大粒有咬口，但略嫌肉燥汁有少少孤寒，幾次叫份量都唔太夠。
.
大阪燒豬扒飯 💲64
⭐️ 4/5
見唔少網友推薦，再去試埋呢款非傳統創意大阪燒豬扒。估唔到都有d驚喜，一向都鍾意食沙律醬，加埋啲甜甜嘅大阪燒汁夾豬扒又ok wor! 下次再encore。
.
蔥油豬扒飯 💲64
⭐️ 3/5
蔥油版本個人唔多啱食。呢碗相反，蔥油豪不吝嗇滿滿一堆。但呢種蔥油同我嘅期望有落差，佢好似炸/炒過整得好脆口乾身。我個人期望係個種傳統油浸軟身蔥油。撈飯計我結果都係偷左人哋啲肉燥汁先完美清碟。
.
涼拌大豆芽 💲22
⭐️ 3/5
為減少邪惡感叫左大豆芽做前菜當食一份菜。大豆芽調味ok，爽爽脆脆，轉頭已經清晒。
.
🔸舖頭賣點係性價比，60蚊一個飯，仲要中環/銅鑼灣區計，性價比算中高、誠意十足，對得住佢哋價錢有餘。所以我理解點解幾間分店都大鑊好評。我只係平日晚上時段去過中環鋪，基本上幾次去都係包場。要我排隊嘅話我會放棄😎。
.
