皇冠(呂宋芒)專門店 (耀華街)

营业中

休息中

夜晚11點左右得返呢間糖水鋪有開，入到去見到個menu 都好貴下，但仍然好多人係入面食糖水。今次嗌左個楊枝雪山，亦等左十分鐘，朋友既糖水都上齊，我呢個係最後一個先到。黎到個畫面都幾震撼，個甜品真係好大，而且係食極都食唔晒，佢溶冰溶得好快，好快個杯就半滿，就算兩個人食都食唔切，建議4個人share 食會好啲。我以為會比較重楊枝甘露味，但佢係重芒果味，芒果唔會酸而且好甜，最後食晒啲芒果就果斷放棄左，下次會試下皇牌，份量都比較正常。