友酒棧

营业中

休息中

好耐好耐冇試過約朋友出街食啦，難得限聚令放寬左，梗係四出搜尋美食。不過而家好多鋪頭都要收早，所以好多時鋪頭都想食客急急腳食完，間鋪先有第二輪生意。今次同朋友去大圍打邊爐，揀左哩間友酒棧，好在冇牛大人嗰啲咁有時間限制。湯底由於近排食得太多熱氣野，所以我地今晚放棄食麻辣，試左佢個香濃蕃茄湯，同埋好清嘅野菌昆布湯。店員一開始就將個調味盤拎過黎，而且見到我朋友好似有Ｄ凍就即刻較低個冷氣，貼心服務真係加哂分。不過蕃茄湯底比想像中濃，所以都唔洗點豉油。但係個昆布湯就好淡，下次都係點返麻辣～野食哩度係單點野食，質素同出面冇太大分別。如果要我揀最有驚喜，一定要數哩味熊本一口豚！出面食開都係一口牛多，而且好多時都係好鞋口，但哩個熊本豬肉就算淥左好耐，咬落去都係好爽口！另外要推介既，就係佢嘅「大大杯」系列，打邊爐最緊要除左係個爐，重係野飲！我叫左杯「大大杯檸７」，原來係一大杯冰底再加兩罐７喜，正！總結呢，基本上野食份量同野飲都比我想像中要大，所以點下點下都太多啦，我地三個食唔哂，我諗加多兩個人都冇問題，除返會平啲，而且上野食速度都好快，店員都好主動加湯同照顧客人，所以今晚好滿足！