東京街日本料理 (西洋菜南街)

已經第三次食東京街，每次質素都維持到中上。午市包沙律同麵豉湯，不過個沙律冇黎到，亦都冇問哈哈。

今次食三文魚帶子甜蝦丼飯，值得一讚係三文魚好厚切，絕對唔孤寒，帶子同蝦既鮮味同甜味就唔算濃，但都食得出，始終一分錢一分貨，呢個價錢同味道都合理。飯量好多，最後食剩半碗。

三文魚帶子甜蝦丼

$88

再追加左3款壽司，最好食係灸燒三文魚美乃滋，佢係燒三文魚皮，好岩我口味，沙律醬都濃味，好食！

灸燒美乃滋三文魚

$22

而油甘魚腩同左口魚就一般，可以唔試哈哈。

大家記得支持啦！