更多
2025-04-17
59 浏览
呢間店每次經過都好多人排隊,今日食完飯心血來潮就想去試下。買咗先發現佢哋已經出咗復活節主題嘅杯,外賣杯係旋轉木馬嘅雙層設計,可以自己轉,真係好有心思,真係未見過!店內有幾張枱可以坐,環境幾舒服,啱啱好可以閒聊。我去嗰時候坐滿人,所以拎咗外賣走,最方便係佢哋整咗啲繩俾你拎杯嘢走勁方便,可以當手袋咁拎,簡直係時尚嘅尖端!我叫咗兩款飲品:🧋鳳眉茶 + 特濃牛乳 + 仙草:呢杯真係好正!鳳眉茶淡淡地,配埋特濃牛奶,滑到唔得了,仙草加埋去,口感真係一流!🧋烏龍茶 + 珍珠 + 特濃牛奶:呢杯烏龍茶好濃,珍珠咬落去彈牙,特濃牛奶令成杯更加滑,又唔會好漏。試咗呢間終於明白點解成日都咁多人排隊,下次會再飲!
张贴