快樂小羊火鍋餐廳

营业中

休息中

今日同男朋友來食羊肉火鍋，因為喺香港好少有羊肉邊爐，所以就揀咗間成日喺旺角見到的快樂小羊。入到去好靚有兩層，地方好闊落。餐廳職員好好服務，俾咗一個窗口位俾我哋，一邊望着街景，一邊打邊爐，別有一番風味。咁啱而家餐廳做緊活動食300送300現金券，下次食仲可以用到coupon，都幾抵食。我哋總共食咗$755，點咗牛拼盤份量有點多兩個人都食唔晒，點咗招牌蝦滑同埋招牌羊肉串，佢嘅羊肉串好香口，建議過嚟必點燒烤羊肉串。湯底我哋就揀咗麻辣同清湯，麻辣同豬肉牛肉好夾，建議過嚟必點麻辣湯底。整體嚟講，呢間餐廳性價比都幾高，兩個人食七百幾蚊已經食到好飽，而且啲肉都好新鮮環境又坐得好闊落，建議可以同多啲朋友一齊過嚟食咁就可以食多啲嘢。