1
一入到去，已經覺得裝修好正🤩充滿懷舊風情，霓虹燈牌好有特色，冷氣夠涼，地方又大，氣氛好熱鬧，好適合約班朋友嚟吹水、飲啤酒🍻🍺！
餐牌有好多創新菜式，睇吓我哋叫咗咩先～
黑松露醬爆漿手工乒乓球牛丸
熱辣辣一咬就爆漿，黑松露醬好香濃，牛丸果然係手工製，非常彈牙😋！
燕麥金沙蝦球
蝦肉大大隻又爽彈，底層鋪滿鹹蛋黄醬，沾上脆脆嘅燕麥，食到停唔到口～
鑊氣豉椒炒蜆
夠晒鑊氣，份量十足，個汁好濃郁，沾滿每粒蜆肉🤤真係好惹味！
芝士琵琶豆腐
首先要讚個芝士汁好濃郁，豆腐好滑溜，口感一流😋
楚撚冰凍大檸茶
真心大杯😂夠晒解渴又解膩，飲完超滿足！
總括食物高質夠創新夠穫氣🔥樓面姐姐很親切友善，最後仲有糖水送添，餐廳宵夜時段仲有88折，下次收夜都可以來食啊。
